Transport Group ICLAJODA, nadismaya sa pag-isnab sang executive department sa hearing sang konseho sa isyu sang traffic lights

Iloilo City–Ginkadismaya ni Iloilo City Loop Alliance of Jeepney Owners and Drivers Association (ICLAJODA) President Raymundo “Boyet” Parcon sa indi pagtambong sang mga resource persons sa hearing sang konseho may kaangtanan sa kontrobersyal nga pagbakal sang mga traffic lights.

Ginpahayag ni Parcon nga luyag kuntani nila mabati-an sa mga resource persons nga gin-imbitar ni Committee on Good Government Chairman, Councilor Jason Gonzales kun ano ang ila sabat sa gin-alegar tama ka mahal ang pagbakal sang mga traffic lights.

Luyag man mahibaluan sang mga miembro sang ICLAJODA kon sin-o ang nagsuhestyun nga ibutang ang traffic lights sa Quirino Bridge kag Casa Plaza sa atubang sang Provicial Capitol. (Aine Grace Bravo)