Iloilo City: Resolution ni Councilor Jay Treñas nga Butangan sang Bike Lane ang Gen. Luna Street, Ginpamatukan sang iban nga Miembro sang Konseho!

Jocelyn Gelloagan-Maque

Wala ginpaboran sang iban nga miembro sang City Council ang resolution ni Councilor Jay Treñas nga butangan sang bike lane ang alley sa General Luna Street, City Proper.

Sa session sang konseho, ginpahayag ni Councilor Joshua Alim nga indi na kinahanglan ang bike lane sa General Luna bangud malapad na ang bike lane sa Diversion Road, Mandurriao.

Indi man nagakabagay suno kay Committee on Transportation Chairman Councilor Plaridel Nava nga butangan sang bike lane ang General Luna bangud makitid ang karsada kag madamo pa ang nagalabay nga mga salakyan.

Natalana nga ipresentar ni Treñas ang resolution sa masunod nga regular session para sa second reading.