Iloilo City: Lalaki nga Nagpatunga sa Away sang Mag-asawa, Gintiro!

Jocelyn Gelloagan-Maque

Napuhag ang mga residente sa palibot sang Barangay San Jose, City Proper sa dalan Fuentes kaina sang aga matapos ginpalukpan sang lalaki ang ginpangayuan sang bulig sang iya asawa.

Suno kay Roger Depatillo, 51 anyos sang Rizal Pala-Pala 1 kag negosyante sang mga scrap, nagpangayo sa iya sang bulig ang asawa ni Clem Junsay samtang ginalagas ini sang lalaki.

Ginpahayag nga luyag sang babaye nga magpauli apang indi siya pagpasugtan ni Junsay.

Ginpabutyag ni Depatillo nga gintiro siya ni Junsay apang ginhimo sini nga taming ang asawa sang ulihi.

Wala naman sang naigo sa natabu samtang may narecover nga empty shell sang caliber 45 ang mga otoridad.

Madugay pa antes nagsurrender si Junsay sa mga pulis bangud nagpangkandado pa ini sa building.  Wala narecover ang pusil.