Update: Magbayaw nga nadakpan nga naga-sex, nakaguwa na sa presuhan!

Jaro, Iloilo City–Nakaguwa na sa lock-up cell sang Jaro PNP ang magbayaw nga nadakpan naga-sex sa sulod sang balay sa relocation site sa Barangay San Isidro, Jaro kaina sang kaagahon. Ini matapos nga nag-expire ang 18 oras nga reglementary period sang detention sang duha.

Mismo ang 18-anyos nga anak sang 54-anyos nga lalaki ang nakadakop sa ila sang 47-anyos nga magulang sang iya asawa samtang nagapakighilawas. Masobra 30 minutos nga naglawig ang ginhimo sang magbayaw antes ang mga ini nag-untat kag bisan pa ginsaway na sang mga kabataan sang lalaki.

Suno kay alyas Jen, nakibot ini sang nabatian ang ugayong halin sa sala kabangdanan iya ginkadtuan kag nakita gid ang ginahimo sang iya amay kag tiya. Bisan makapila ka beses nga ginsaway, wala gid nagpamati ang duha kag nagpanabon pa sang habol samtang nagapadayon sa ila ginahimo. Napilitan si Jen nga pukawon ang iya iloy nga hublas man sang naabtan sini sa kuwarto.

Wala na sang plano ang asawa nga pasakaan sang kaso ang iya bana kag magulang. (Aine Grace Bravo)