Reklamo sang mga vendors batuk sa pag-revitalize sang Iloilo Central Market, dal-on ni Councilor Plaridel Nava sa konseho

Iloilo City–Ginpasalig ni Councilor Plaridel Nava nga dal-on sa City Council ang kawsa sang mga vendors sa Iloilo Central Market nga nagapamatok sa revitalization sang merkado.

Kon magbalik suno kay Nava ang Joint Venture Agreement sa konseho para aprubahan, siguraduhon sini nga may representasyon ang mga pumuluyo kag mga market vandors. Done deal na ang JVA suno sa konsehal kag pormalidad na lang ang ginahimo sang city government para sa pag-develop sang central market.

Ginhambalan sang konsehal ang Vendors’ Association sa central market nga ginapamunuan ni Mr. Rex Donasco nga magpreparar sa amo nga plano ilabe na nga gin-deny sang korte ang gin-file nila nga temporary restraining order kag injunction. Nagapati si Nava nga desidido na gid ang city government nga padayunon ang proyekto nga indi man lang mapamatian ang reklamo sang mga stakeholders.

Bisan ang korte suno sa iya kag ang pag-rally sang mga vendors kag mga militante ang indi makapugong sa plano sang syudad. (Aine Grace Bravo)