Governor Arthur Defensor, magapangusisa sa report sang PRO-6 nga 13 ka chiefs-of-police ang wala sang accomplishment sa kampanya kontra illegal drugs

Iloilo–Paga-usisaon ni Gov. Arthur Defensor ang report sang Police Regional Office (PRO) 6 nga 13 ka mga hepe sang municipal police stations sa probinsya ang wala sang accomplishment sa kampanya kontra illegal nga druga halin Enero tubtob Hulyo, 2015.

Suno kay Defensor, mangayo siya sang briefing kay Iloilo Police Provincial Office (IPPO) Sr/Supt. Cornelio Salinas tuhoy sa report.

Apang ginpabutyag sang gobernador nga wala man nagakahulugan nga wala sang accomplishment ang mga pulis kon wala sila sang nadakpan nga drug personality. Una na ginpahayag ni PRO-6 Director C/Supt. Bernardo Diaz nga 36 ka chiefs-of-police sa Western Visayas sa diin 13 diri ang naghalin sa Iloilo ang wala sang accomplishment sa kampanya batuk sa ginadumilian nga druga sa una nga pito ka bulan sang tuig. (Aine Grace Bravo)