Antique: 6 ka Balay, partially-damaged sa Paglabay sang Buhawi!

Jocelyn Gelloagan-Maque

Anum ka balay sa Natividad Tibiao, Antique ang ginpahayag nga partially damaged sa paglabay sang buhawi kahapon.

Base sa record sang Office of Civil Defense 6, walo ka pamilya ang na-apektuhan sa natabu.

Sa Morobuan Jordan, Guimaras, isa man ka balay ang partially damaged matapos natup-an sang puno sang lubi apang wala sang nasamaran.

Samtang, 10 ka ektarya sang humayan sa Barangay Bubog Sibunag, Guimaras ang ginreport nga ginbahaan bangud sa wala untat nga pag-ulan.