Iloilo City: Mga empleyado sa Provincial Government, Wala sang Opisina kadungan sa Selebrasyon sang Charter Day sang Syudad

Jocelyn Gelloagan-Maque

Wala sang opisina buwas ang mga empleyado sang provincial government.

Gin-anunsyar ni Governor Arthur Defensor sa flag ceremony kaina nga wala sang opisina sa provincial capitol base sa Memorandum Order sang Malakanyang nga naga-deklarar nga local holiday ang Agosto 25 bilang selebrasyon sang Charter Day.

Naga-upod suno sa gobernador ang probinsya sa Charter Day bangud nahamtang sa syudad ang kapitolyo.

Ginpaisol naman ang regular session sang Sangguniang Panlalawigan buwas kag hiwaton ini sa mierkules, Agosto 26 alas 2 y medya sa hapon.

Suno kay Vice Governor Raul Tupas, wala man sang privilege speech kag important matters sa agenda sang session magluwas lang sa pagpresentar sang committee reports sang provincial board.