December 2, 2021

2 ka lalaki, nadakpan sa separado nga anti-illegal drugs operation sa banwa sang Concepcion

Read Time:51 Second

drug bust 2Concepcion, Iloilo–Duha ka ginapatihan drug pusher ang na-aresto sa separado nga anti-illegal drugs operation sang Concepcion police kahapon.

Una nga nadakpan si Lyndon Absin, 33-anyos, tumandok sang La Libertad, Negros Oriental kag nagatrabaho nga konduktor sang Dimple Star Bus Line. Na-recover sang mga operatiba sang Concepcion PNP sa balay nga gina-istaran ni Absin sa Puntales Road, Brgy. Poblacion ang isa ka sachet sang suspected shabu nga ginabanta nagabalor sang 5 mil pesos, cash kag cellphone.

Na-aresto man sang Concepcion police sa Brgy Lo-ong si Mark Anthony Marquez, 27-anyos sang Brgy. Aldeguer, Sara kag nagatrabaho sa coal-fired power plant sa Concepcion. Nakuha kay Marquez ang duha ka sachets sang suspected shabu nga ginabanta nagabalor sang 10 mil pesos kag cellphone.

Suno kay C/Insp. Jonathan Pinuela, hepe sang Concepcion PNP, madugay na nila nga gina-monitor ang illegal drugs trade nanday Absin kag Marquez sa banwa. Preso na ang mga nadakpan sa karsel sang Concepcion Police Station. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (Update) Punong Barangay Reyland Hervias, magabulos nga presidente ng Liga ng mga Barangay sa syudad matapos ang pagtaliwan ni Liga President kag ex-officio Councilor Carlos Guarin
Next post Regional Director sang DepEd 6, Nagpaathag sa Atrasado nga Pagpahibalo sa Kanselasyon sang NCAE