Iloilo: Mga Chiefs of Police, Liga Presidents kag Local Government Officers halin sa 42 ka mga Kabanwahanan lakip na ang Syudad sang Passi, Nag-negatibo sa Surprise Drug Testing

Nemesio Martirez

Negatibo sa surprise drug testing ang mga chiefs of police, Liga presidents kag Municipal Local Government Operations Officers halin sa 42 ka mga kabanwahanan lakip na ang syudad sang Passi.

Negatibo man sa surprise drug testing sang Philippine Drug Enforcement Agency ukon PDEA-6 sanday Iloilo Police Provincial Office (IPPO) director Cornelio Salinas, Provincial DILG officer Theodora Sumagaysay kag Provincial Federation Liga President Jeneda Salcedo-Orendain.

Mas maayo nga mangin drug free ang nasambit nga mga opisyal suno kay PDEA-6 Director Paul Ledesma agud mangin epektibo ang ila kampanya batuk sa illegal nga druga.

Nagtambong kahapon ang mga chiefs of police, Liga presidents kag MLGOO sa seminar may kaangtanan sa ginpaguwa nga Memorandum Circular No. 63 sang DILG nga naga-revitalize sang Barangay Anti-Drug Abuse Council (BADAC).

Naglab-ot sa 114 ang ginpaidalum sa surprise drug testing kadungan sang BADAC assessment sa Casa Real de Iloilo kahapon.