Ilonggo Alliance for Change and Transparency (I-ACT), ginlunsar sang nagkalain-lain nga sektor sa Iloilo City

Iloilo City–Naghugpong ang nagkalain-lain nga sector sa syudad agud magbulig sa mga pumuluyo kag ipanawagan sa City government ang pagbag-o kag hayag nga pang-gobyerno.

Ini ang nagapanguna nga katuyuan sang ginlunsar nga Ilonggo Alliance for Change and Transparency (I-ACT) kasunod sang mga isyu sa syudad nga madamo ang nagareklamo. Suno kay Atty. Dan Cartagena, isa sa mga convenors sang I-ACT, nagtukod sila sang alyansa agud kontrahon kag ipalab-ot sa mga pumuluyo ang mga indi maayo nga ginahimo sang city government.

Nagapati si Cartagena nga kinahanglan nga masanagan ang mga pumuluyo agud mabag-o ang sistema sang panggobyerno para sa kaayuhan sang tanan. Indi lang suno sa iya trabaho sang media ang pagbuyagyag san mga kagarukan sa gobyerno kundi dapat nga magpasakup man ang mga pumuluyo. (Aine Grace Bravo)