Duha ka Lalaki nga Nagpakuno-kuno nagabaligya sang isda, Arestado matapos natukiban nga Nagaduso sang Illegal nga Druga!

Pototan, Iloilo — Gindakup ang duha ka lalaki nga nagpakuno-kuno nga nagabaligya sang isda sa Barangay Catu-ogan, Pototan pasado alas-12 kaina sang kaagahon.

Suno kay Senior Inspector Ariel Corsino nga hepe sang Pototan PNP, nagtawag sang police ang mga residente bangud nagasinggit sanday Jonel Tolentino, 31 anyos, kag Omar Roche, 26 anyos, nga nagabaligya sang isda bisan nga tungang gab-i na.

Apang sang nag-abot ang mga pulis kag nadakpan ang duha, natukiban nga indi isda ang ila ginalibud kundi ginapatihan nga illegal nga druga.

Nakuha kanday Tolentino kag Roche ang lima ka sachets sang suspected shabu, duha ka pusil, mga drug paraphernalia kag lampshade.

Ginpahayag nga nagaserbe man nga roro-an ang ginasakyan nga tricycle sang mga nadakpan. Nakapalagyo ang duha pa ka kaupod nanday Tolentino kag Roche. (JoMaque)