Mayor Jed Patrick Mabilog, nagsabat sang “Thank You” sang Ginpamangkot sang Aksyon Radyo Iloilo tuhoy sa Gin-isyu nga Memorandum Order para sa mga Job Hires

Nemesio Martirez

Iloilo City — Wala napaathag ni Mayor Jed Patrick Mabilog ang gin-issue nga Memorandum Order No. 161 nga nagamandu nga magtrabaho ang mga job hires sa Sabado kag Dominggo lakip na ang holiday halin Agosto 16 tubtub Septyembre 15.

Sa baylo nga magpaathag sang rason ang alkalde, iya lang ginsabat sang ‘thank you’ si City Hall beat reporter Aksyon Johnny Diaz sang ginpamangkot may kaangtanan sa memorandum order.

Ginpahayag sang job hire sang damlag lang sa Aksyon Radyo ma-obra sila kon weekend sa Barangay kag magabatun sang sweldo kon mapirmahan sang punong barangay ang attendance sheet kag ma-post sa facebook ang ila activities agod makita ni Mayor Mabilog.

Bisan si Liga President kag Ex-officio Councilor Reyland Hervias ang wala man sang nabatun nga memorandum kag sa iya pagpati kabahin sang DO-DAY ang pag obra sang job hire kon Sabado kag Dominggo nga wala sang ginabatun nga kompensasyon.