16 ka chiefs-of-police, posible pasakaan sang kaso administratibo matapos nakitaan sang probable cause sa ila kapaslawan nga magkampanya kontra illegal drugs

Western Visayas–May nakita nga probable cause ang Regional Investigation and Detective Management Division sa Campo Delgado agud ipa-idalum sa pre-charge investigation ang 16 ka chiefs-of-police bangud sa kapaslawan sa kampanya kontra illegal nga druga.

Suno kay PRO-6 Director C/Supt. Bernardo Diaz, nakitaan sang rason ang pa-athag sang mga hepe kon nga-a wala sila sang performance sa illegal drugs campaigh halin Enero tubtob Hulyo subong nga tuig. Posible suno sa iya nga pasakaan ang mga ini sang kaso administratibo.

Ginpasiguro naman ni Diaz nga mahatagan sang due process ang mga hepe. (Aine Grace Bravo)