Taxi Driver, Ginhold-up!

Sta. Barbara, Iloilo — Wala sang nakuha nga kuwarta ang pasahero nga naghold-up sa taxi driver sa Barangay Magansina, Sta. Barbara.

Ginbuno sang suspek sang ice pick ang driver nga si Dalmacio Batayo, 40-anyos sang Barangay Malayu-an, Ajuy sa tangkugo kag sang tuyo nga kuhaon ang koleksyon nga masobra P1,000, hinali nga ginpaburhot sang driver ang taxi.

Pagkatapos sang insidente, nagreport gilayon si Batayo sa Sta Barbara Police Station kag gindala man ini sang mga police sa Western Visayas Medical Center.

Ginpahayag nga nagsakay ang pasahero sa Tabuc Suba, Jaro pasado alas 9 kagab-i agud magpadul-ong sa Sta Barbara kag sang nakalampas sa taytay, nagdeklarar ini sang hold-up.  (JoMaque)