Gin-alegar agi, nadakpan nga nagabaligya sang illegal nga druga sang pulis nga nagpakuno-kuno nga manugpangaluyag!

Leganes, Iloilo–Nagpakunu-kuno nga manugpangaluyag ang pulis gani nadakpan ang miembro sang third sex nga nagabaligya sang illegal nga druga.

Suno kay Inspector Gerry Leones, hepe sang Leganes PNP, posible nga nahulog naman ang buot sang gin-alegar agi nga si Jeffrey Gallego, 22-anyos sang San Miguel, Barotac Viejo sa pulis nga nagpakunu-kuno nagpangaluyag tubtob nakumpirmar nga nagaduso ini sang illegal nga druga. Nagatrabaho ini sa parlor sa Leganes kag kalabanan sa iya ginabaligyaan ang iya mga kustomer.

Nabaklan si Gallego sang isa ka sachet sang suspected shabu kag nakuha pa gid sa iya ang isa pa gid ka sachet sang suspected shabu. (Aine Grace Bravo)