3 ka lalaki, nakuhaan sang mga pusil sa raid

Iloilo City–Arestado ang tatlo ka lalaki nga nakuhaan sang mga pusil sa raid Brgy. Nonoy, City Proper kahapon.

Ginkilala ang mga arestado kanday Fernando Sucarno, 42-anyos sang Zone 6, Boulevard, Molo; Fernando Gonzales, 63-anyos sang Zone 5 Boulevard, Molo kag Rome Tan, 67-anyos sang Valeria Extension, City Proper. Nakuha sa tatlo ang tatlo ka units sang 45-caliber pistol; anum ka empty magazine sang 45-caliber pistol; isa ka unit sang Luger KG9 9mm machine pistol; isa ka magazine sang 9mm; P190,000 nga cash kag duha ka cellphones.

Preso na ang nagkaladakpan sa karsel sang Police Station 1 kag natalana kasuhan sa paglapas sa Republic Act No. 10591 ukon Comprehensive Firearms and Ammunition Regulation Act. (Aine Grace Bravo)