Suspek sa pagtiro patay sa lalaki sa motel sa Lapaz, ginhingadlan sang mga pulis!
Read Time:1 Minute, 21 Second
Lapaz, Iloilo City–Ginhingadlan ni Sr/Insp. Edgar Anonoy, hepe sang Lapaz Police Station, ang isa sa duha ka suspek sang pagtiro patay kay Rogelio Amil sang Ticud, Lapaz sa compound sang The Q Drive-in Mote.
Suno kay Anonoy, ginkilala sang tatlo ka testigo ang gunman kay Hamza Pechon Kayani paagi sa litrato nga ginkuha sa social media. Ginkilala naman ang babaye nga kaupod sang biktima nga si Rogelio Amil kay Lovely Mae Provido sang Pavia. Ginpahayag nga na-identify ang salakyan paagi sa kuha sang CCTV camera sa isa ka barangay sa Lapaz.
Wala Nakakilala
Ginpanghiwala naman Kayani nga siya ang nagtiro-patay kay Amil sang Setyembre 13 bangud nga naka-out-of-town siya. Suno kay Kayani, indi niya kilala ang biktima kag si Provido.
Wala sang rason suno sa iya nga makilala niya ang babaye bangud may bata siya kag may gina-upod subong nga lain nga babaye. Bisan suno sa iya pamangkuton ang pamilya ukon kaabyanan sang biktima kag ni Provido, duda si Kayani kon kilala siya sang mga ini.
Gin-ako naman sini nga nabilin ang isa niya ka salakyan sa syudad gani gusto niya mahibaluan kon sin-o ang nagamit kag kon ano gid ang natabu.
Posible Nga Himbonanay
May posibilidad nga naghimbonanay ang mga suspek kag ang babaye agud patyon si Amil suno kay Sr/Insp. Anonoy. Makatingalahan suno sa hepe nga wala nadalahig ang babaye sa krimen kag sa baylo, gindala pa ini sang mga suspek sa ila nga pagpalagyo.
Natalana nga pasakaan sang kaso nga murder sanday Kayani, Provido kag ang isa pa ka wala nakilala nga suspek. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Driver sang Ford Ranger Raptor, nagsulod sa bike lane sa Diversion Road, Taft North, Mandurriao
ILOILO CITY -- Nagdiretso liko sa bike lane ang Ford Ranger Raptor nga may plate number FHS 312 sa stop...
Security guard, nasapwan nga patay sa sulod sang iya gina-arkilahan nga kwarto sa Molo
ILOILO CITY – Yara na sa early state of decomposition ang security guard nga nasapwan nga patay sa sulod sang...
Truck kag SUV, nagbunggu-anay sa San Joaquin
ILOILO -- May mga minor nga kapilasan ang driver sang truck kag sang SUV sang nagbuggu-anay sa Qui-anan, San Joaquin....
3 ka venues sa Iloilo City, hiwatan sang voter registration para sa 2022 BSKE
ILOILO CITY -- Tatlo ka mga venues sa siyudad sang Iloilo ang hiwatan sang voter registration sang City- Commission on...
Maestra nga nagpahulam sang sapatos sa graduating student sa graduation rites sa Pototan, wala maglaum nga ma-trending sa social media ang iya ginhimo
ILOILO -- Naga-isahanon nga naka-sandals si Mikay Coronado sa mga graduating students kadungan sang graduation rites sang Pototan National Comprehensive...
JR Gasoline Station sa Sta. Barbara, Iloilo, ginhold-up; Suspects nga driver, conductor sang E-bus, yara na sa kustodiya sang kapulisan
ILOILO – Ginhold-up ang JR Gasoline Station sa Barangay Balibagan Este, Sta. Barbara kagab-i, Hulyo 2. Ginkilala ang mga tagreklamo...
Average Rating