Joint Committee Report sa isyu sang traffic lights sa syudad, gin-adoptar sang City Council
Read Time:1 Minute, 17 Second
Iloilo City — Ginrekomendar sang committee on good government, lead committee nga nag-imbestigar sa isyu sang traffic lights nga ginpang-install sa siyudad nga i-refer ini sa Commission on Audit (COA) para sa dugang nga imbestigasyon.
Sa committee report nga gin-deliver ni councilor Jason Gonzales, Chair sang Good Government Committee, ginplastar sini ang timeline sang isyu kag gintuyo nga masabat ang pila ka mga pamangkot: kun bala natun-an sang maayo ang pag-install sang mga traffic lights, kun nag-agi sa insakto nga proseso sang pagbakal kag kun bala may overpricing sa pagbakal sang mga traffic lights.
Una dire nangin mainit pa ang debate sang mga konsehal matapos gintuyo punggan ni Councilor Plaridel Nava nga ma-deliver ang report bangud wala sila nahatagan sang kopya.
Nag-move si Gonzales nga i-suspend ang internal rules nga ginpaboran sang mayoriya kabangdanan nadayon gid ang pag-deliver sini sang report.
Matapos ang report, ginkwestyon naman ni Councilor Nava kun ang gin-deliver ni Gonzales ang makabig nga chairman’s report, joint chairman’s report, committee report ukon joint committee report bangud duha lang ka chairperson sang 3 ka joint committees ang nagpirma.
Magluwas kay Gonzales, nagpirma man sa report si Councilor Ed Peñaredondo, Chairman sang Committee on Rules.
9 kuntani ka pirma ang kinahanglan kun ilakip pa ang mga miembro sang mga komitiba.
Si Peñaredondo sa madumduman ang wala nagpabor sang ginbotohan kun dayunon ukon indi ang imbestigasyon sa isyu sang traffic lights.
Gin-adoptar sang council ang joint chairman’s report ni Gonzales. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Mga ginatudlo NPA rebels nga napatay sa engkwentro sa Miagao, nakilala na
ILOILO – Nakilala ang na ang walo ka mga bangkay sang ginatudlo nga miembro sang New People's Army kasunod sang...
7 bangkay sang ginapatihan NPA rebels, gindala sa punerarya sa Miagao
ILOILO – Gindala na sa punerarya ang pito ka bangkay sang ginapatihan NPA rebels kasunod sang engkwentro sa Brgy. Alimodias,...
Report nga 16 ukon 17 ang napatay sa military operations sa Brgy. Alimodias, Miagao, gina-verify pa sang Phil. Army — MGen Benedict Arevalo, Commander sang 3rd ID
ILOILO -- Gina-verify pa sang Philippine Army ang mga reports nga nabaton nila nga may 16 ukon 17 ka mga...
8 ka ginapatihan NPA rebels, patay sa military operations sa Alimodias, Miagao — Philippine Army
ILOILO -- Walo ang napatay sa military operation batok sa ginapatihan New People’s Army sa Brgy. Alimodias, kahapon sang aga....
Mga barangay officials sang Iloilo City, magasto sang tag-P19,800 para sa 3-day convention sa Iloilo Convention Center; Accommodation sa Marriott Hotel, nalakip sa pondo
ILOILO CITY -- Magasto sang P19, 800 ang kada barangay official sang Iloilo City para sa tatlo ka adlaw nga...
POLICE REPORT | 21-anyos nga babaye, nagpadulong sa La Paz Police Station kag nagreklamo nga ginhimuslan siya sang pulis
ILOILO CITY -- Nagreklamo ang 21-anyos nga babaye nga ginhimuslan siya sang pulis kagab-i.Suno kay PMAJ Jose Val Ladublan, hepe...
Average Rating