Security Guard sang One Network Bank sa Pototan nga nagtiro sa customer nga Negosyante, ginpasakaan na sang kaso nga Murder

Pototan, Iloilo — (UPDATE) Gindepensahan lang sang security guard sang One Network Bank sa Pototan ang kaugalingon rason nga natiruhan kag napatay ang ila customer nga negosyante.

Suno kay Nonito Decretales, 26 anyos sang Agcalaga Calinog, ginrekisa niya ang biktima nga si Francis Erad sang Ledesma Ward, Pototan apang gintapi ang iya kamot gani ginhambalan niya nga ubahon na lang ang suksok sini nga jacket.

Apang nagbalibad suno sa iya si Erad kag gintuyo pa nga agawon ang iya service firearm nag shotgun gani napilitan siya nga tiruhon ini.

Patay si Erad bangud nasakam gid sang bala ang iya guya.

Nagsurrender sa mga pulis si Decretales.  Napasakaan na sang kaso nga murder batuk sa guwardiya kahapon. (JoMaque)