16-anyos nga Lalaki, arestado matapos nakuhaan sang pusil kag illegal drugs sa Jaro!

Iloilo City — Nangin madinalag-on ang saturation drive sang mga police kagab-i sa Barangay Camalig, Jaro matapos nakuhaan ang 16-anyos nga lalaki sang 45 kalibre nga pusil kag isa ka plastic sachet sang suspected shabu.

Ginpahayag sang suspek nga naghalin siya sa Bakhaw, Mandurriao kag ginsugo ni alyas Lazaro nga magdul-ong sang pusil sa Barangay Camalig.

Gin-athag sang menor de edad nga ang narecover nga illegal drugs ang ginhatag ni alyas Lazaro nga suhol sa pagdul-ong niya sang pusil.

Ginturn-over ang menor de edad sa balay dalangpan kag natalana kasuhan. (JoMaque)