Lalaki nga gintudlo nanglingling sa CR sa Iloilo Sports Complex, nagpangagat agud makapalagyo!

Lapaz, Iloilo City–Nagpangagat ang lalaki nga gin-alegar nadakpan nga nagapanglingling sa comfort room sa Iloilo Sports Complex gani nga nakapalagyo ini.

Ginpahayag nadakpan sang kaupod ni alyas Alma nga si alyas Edmundo ang suspek nga si Federico Bernardo alyas Timpo sang Caingin, Lapaz nga nagapanglingling sa comfort room. Gindakup ni Edmundo si Bernardo apang ginkagat ini sang suspek sa kamot gani iya nga nabuy-an kag nakapalagyo.

Nagpa-blotter na lang si Alma sa Lapaz Police Station. (Aine Grace Bravo)