September 26, 2022

2 sa 3 ka suspek sa pagtiro patay kay SPO1 Nestor Peregrino sa Pototan, nadakpan na!

Read Time:53 Second

UPDATEPototan, Iloilo–Nadakpan sang mga pulis ang duha sa tatlo ka suspek nga nagtiro patay kay SPO1 Nestor Peregrino sa Barangay Naga, Pototan kahapon sang aga.

Apang ginpanghiwala nanday Benjie Selagiora, 30-anyos sang Sta. Barbara kag Ricky Calambro, 42-anyos sang Barangay Binalud, Alimodian ang akusasyon. At-large ang isa pa ka suspek nga si Edmel Pendon, 38-anyos nga kasimaryo sang napatay nga pulis.

Napatay si SPO1 Peregrino bangud sang pilas sa wala nga abaga lusot sa dughan kag ulo. Ginhingagaw pa nga madala sa ospital ang biktima apang gindeklarar nga napatay.

Daan nga hiligut-anon naman ang ginapatihan sang pamilya nga motibo sa krimen. Suno kay Naga Punong Barangay Evangeline Carmelo nga ugangan sang pulis, ginpasakaan sadtu sang kaso ang iya umagad sa National Police Commission (NAPOLCOM) may kaangtanan sa ginpahayag pagbangga kag pagtaya sang isa ka lalaki kay Peregrino apang wala ginsapak sang biktima kundi ginpasakaan lang sang kaso. Nagreklamo suno kay Carmelo ang live-in partner sang kontra ni Peregrino sa NAPOLCOM apang gin-dismiss makaligad ang isa ka tuig. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Day 1 sang COC Filing, nangin matawhay pa suno sa city kag provincial Comelec
Next post Empleyado sang Provincial Government, Patay matapos nalapakan sang Truck nga may karga nga baboy!