ASTRAVEN President Rex Donasco, ginpanindugan nga lehitimo ang ila asosasyon!

Iloilo City — Masakit para sa mga miembro sang Association of Stall Owners and Transient Vendors of Iloilo City Public Market, Incorporated (ASTRAVEN) ang pahayag ni Local Economic Enterprise Office (LEEO) head Ariel Castañeda nga indi sila lehitimo nga vendors association sa central market.

Ginpanindugan ni Mr. Rex Donasco, Presidente sang ASTRAVEN, nga madugay na ang ila nga asosasyon kag may gina-uyatan sila nga legal nga mga dokumento kag rehistrado man sa Securities and Exchange Commission (SEC).

Suno kay Donasco, indi man sila pag-i-internar sa korte sang nagpasaka sila sang kaso kay Mayor Jed Patrick Mabilog kag sa iban pa nga city officials bangud sa plano nga pag-revitalize sang central market kon indi sila lehitimo nga grupo.

Ginpahayag man ni Castañeda nga indi man lehitimo ang bag-o nga grupo nga Association of True Independent Group of Vendors (ASTIG).

Ginapaminsaran suno kay Donasco sang ila grupo kon kasuhan si Castañeda bangud sang iya statement. (JoMaque)