Update: 2 pa ka suspek, gindala sa ginkasuhan sang murder may kaangtanan sa pagtiro patay kay SPO1 Nestor Peregrino

Iloilo–Duha pa ka mga suspek ang ginpasakaan sang kaso nga murder may kaangtanan sa pagtiro patay kay SPO1 Nestor Peregrino sang Janiuay Police Station.

Nadala sa kaso ang at-large nga suspek nga si Edmel Pendon alyas Pa-oc sang Naga, Pototan kag live-in partner sini nga si Elsa Copina nga ginapatihan mastermind sa krimen. Si Copina ang naka-away sadtu ni Peregrino kag nagpasaka sang kaso batuk sa pulis sa National Police Commission (NAPOLCOM) apang na-dismiss.

Una na ginkasuhan sang murder ang mga nadakpan nga suspetsado nga sanday Ricky Calambro sang Alimodian kag Venjie Selagiora sang Sta. Barbara. Sanday Calambro kag Selagiora ang positibo nga ginkilala sang bata nga babaye ni Peregrino nga nagtiro sa iya amay.

Nagadul-ong sa iya kabataan kag hinablos si Peregrino sa eskuwelahan sang gintuparan sang mga suspetsado nga nagasakay sa motorsiklo kag gintiro sang Lunes sangaga. (Aine Grace Bravo)