Update: SB Member sa Estancia, nagapanawagan sang hustisya sa kamatayon sang iya bata nga seaman sa drug operation sang RSOG

Estancia, Iloilo–Nagapanawagan sang hustisya si incumbent SB Member Jackie Matta-Gealon sa kamatayon sang iya bata sa drug operation sang Regional Special Operations Group (RSOG) sa Barangay Bayuyan kahapon.

Nagapati ini nga inosente ang iya bata nga si Cloyd Philip Gealon, 31-anyos sang Brgy. Botongon sa illegal drug activities sang tiyo nga si Lyndon Matta, ang subject sa search warrant sang RSOG. Suno kay Member Gealon, indi mahimo sang iya bata nga mag-entra sa illegal nga buluhaton bangud kilala niya ini nga mabu-ot. May ginapatindog suno sa iya nga balay si Cloyd Philip sa Bayuyan malapit sa balay sang iya tiyo kag manugbalik na ini sa trabaho bilang seaman.

Patay si Cloyd Philip matapos ginpahayag nagbatu sa RSOG operatives. Na-recover sang RSOG ang isa ka 38-caliber revolver, 12-gauge shotgun, isa ka magazine sang 45 caliber pistol kag mga bala, 5 ka sachets sang suspected shabu kag mga drug paraphernalia. Arestado kag pasakaan sang kaso si Lyndon Matta kag tatlo pa ka mga lalaki nga sanday Edgar Amini, 24-anyos sang Botongon; Pablito Payud, 22-anyos sang Botongon kag Levi Almadon, 52-anyos sang Barangay Bayuyan. (Aine Grace Bravo)