Isa sa Tatlo ka Ginadudahan nga Kawatan, Patay matapos Natiruhan sa Bitoon, Jaro

Iloilo City — Patay ang isa sa tatlo ka ginaduhan nga kawatan nga nagsulod sa manukan sa barangay Bitoon Jaro kaina sang kaagahon.

Napatay sa ospital ang wala pa nakilala nga lalaki matapos natiruhan.

Ginabanta naga-edad sang masobra 20-anyos kag may tattoo sa abaga nga “levi”. Pilason naman si Joseph Demetillo, utod ni Joebert Demetillo nga tag-iya sang manukan nga nabun-an sa nagluntad nga komosyon sa tunga nila sang mga suspek.

Ginpahayag nga nagbato sa mga suspetsado si Joseph kabangdanan nga nabun-an sa dughan.

Narecover sang kapulisan sa lugar ang tatlo ka inubulong nga manok nga nakasulod sa sako, kutsilyo, cash nga masobra isa ka libu ka pesos, duha ka pares sang tsinelas kag duha ka kalo.

Magluwas sa manokan sang pamilya demetillo ginkawatan man ang manokan ni Reymund Sarmiento.

Padayon ang manhunt operation sang jaro police sa mga suspek nga nakasakay sa trisikol. (Nemesio Martirez)