Update: Kapitan sang nagkulob nga MB Tawash, ginkasuhan na sang Coast Guard

Iloilo City–Ginpasaka na sang Coast Guard Iloilo ang kaso batuk sa kapitan sang nagkulob nga MB Tawash sa Iloilo Strait.

Suno kay Lieutenant Junior Grade Edison Diaz, Coast Guard Iloilo Station Commander, na-file sa City Prosecutor’s Office ang kaso nga reckless imprudence resulting to multiple homicide batuk kay Donald Galotera sang Rizal, Rordan, Guimaras. Ginpa-athag ni Diaz nga na-delay ang pag-file nila sang kaso bangud gin-una nila asikaso ang kinahanglanon sang mga survivors kag mga napatay sa trahedya.

Ginbasehan sa pag-file sang kaso ang kapaslawan sang kapitan nga magpapirma sang master’s declaration for safe departure (MDSD) sa on-duty coast guard personnel antes nagbiyahe sang Oktubre 18. Siyam ang napatay kag 32 ang survivors sang nagkulob ang MB Tawash matapos nakasugata sang pugada sa tunga-tunga sang Iloilo Strait. (Aine Grace Bravo)