Mga pulis, iga-deploy sa bug-os nga Western Visayas buwas para sa Oplan Undas sang PNP

Suguran buwas sang Police Regional Office (PRO) 6 ang pag-deploy sang kapulisan sa bug-os nga Western Visayas bilang kabahin sang Oplan Undas sang Philippine National Police.

Suno kay Sr/Supt. Alfredo Valdez, OIC Deputy Regional Director for Operations sang PRO-6, gamiton nila ang major events security framework nga gingamit na sa tion sang APEC ministerial meetings sa Bacolod, Boracay Island kag syudad sang Iloilo. Nagakahulugan ini sang separado nga sistema para sa security, peace and order kag emergency preparedness.

Sugod Oktubre 28 tubtub Nobyembre 2, magapahamtang sang police assistance desks sa nagkalain-lain nga entrace kag exits sang mga patyo. Magabantay dire ang mga police personnel, mga tanod kag mga force multipliers kag mag-inspection sang mga bags kag dala sang mga tawo agud malikawan ang pagpalusot sang illegal items pareho sang mga pusil, kutsilyo, makahulubog nga ilimnon, illegal drugs, baraha, videoke machine, sound system kag mga palupok. Pabakusgon man ang anti-criminality campaign ukon ang pag-conduct sang separado nga police operations sa mga patyo. Iga-deploy ang mga mobile patrol kag motorcyle patrol sa nagkalain-lain nga barangay kag mga subdivision agud matapna ang mga insidente sang akyat bahay ukon pagkinawatay sa tion sang fiesta minatay. (Aine Grace Bravo)