Presyo sang Bottled Water kag Kandila, Wala Nagtaas sa Nagahilapit nga Fiesta Minatay

Iloilo City —  (UPDATE) Wala nagtaas ang presyo sang bottled water kag kandila sa nagahilapit nga Fiesta Minatay.

Sa baylo nga nagsaka, nagnubo pa ang presyo suno kay DTI 6 Trade Development Division Chief Felisa Judith Degala bangud madamo ang local manufacturer sang kandila kag bottled water.

Ang isa ka pack sang Liwanag candle number 3 nga naga-unod sang 20 ka bilog, nagabili sang P44.75 ang suggested retail price (SRP) pero  ang current price, naglab-ot lang sa P39.

May pagnubo man sang P4 suno kayDegala ang kada bottled water.

Wala naman masakop sa monitoring sang DTI6 ang presyo sang bulak apang may nag pahibalo sa ila talatapan nga nagsaka ini sang P20. (Nemesio Martirez)