#Tigkalalag2015: Pagdumdom sang All Saints’ Day sa syudad kahapon, nangin malinong suno kay ICPO Spokesman Supt. Gilbert Gorero; ICPO, wala sang narecord nga mga insidente sa mga sementeryo
Read Time:53 Second
Iloilo City–Nasustiner sang mga katapo sang Iloilo City Police Office ang pagmentinar sang kalinong kag katawhay sa syudad sa pag-obserbar sang All Saints’ Day kahapon.
Ginreport ni ICPO Spokesman Supt. Gilbert Gorero nga wala pa sila sang record sang mga insidente may kaantanan sa kahiwatan. Wala man suno sa iya sang nagreport nga tag-iya sang balay nga ginkawatan. Suno kay Gorero, aktibo ang mga motorcyle cops sa paglibot sa mga subdivisions kag iban pa nga lugar samtang nagalapta man ang iban nga pulis sa mga sementeryo.
Sa pihak nga bahin, tubtob alas-10 kagab-i, 10 ka indibidwal ang gindakup bangud nga nagbitbit sang matalum nga mga bagay kag isa ang gindakup bangud sa pagdala sang makahulubog nga ilimnon sa sulod sang mga patyo. May nadakpan suno kay Gorero nga nagpakawal sang pusil apang natabu ini sa balay ilimnan. Ginpasalamatan ni Gorero ang kooperasyon sang komunidad agud mapabilin nga malinong kag matawhay ang All Saints’ Day kag ginalauman nga matapos ang All Souls’ Day subong nga adlaw nga wala sang insidente. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Councilor Romel Duron nga nag-sponsor sang LPTRP ordinance, nag-sorry sa mga naapektuhan; Duron, handa nga mag-sponsor agud ma-repeal ang ordinansa
ILOILO CITY – Nagpangayo sang pasaylo si Councilor Romel Duron sa mga na-apektuhan sang Local Public Transport Route Plan sang...
Lalaki, patay sang nabungguan sang truck sa Passi City
ILOILO -- Patay ang 55-anyos nga lalaki sang nabungguan sang truck sa Barangay Agtambo, Passi City kahapon sang kaagahon, Hulyo...
Mga rationalized routes, gamiton gihapon sa tiun sang temporaryo nga suspension sang LPTRP — LTFRB 6
ILOILO CITY -- Nahisugtan sa pagsinapol sang Land Transportation Franchising and Regulatory Board (LTFRB) 6, PSTMO, kag transport operators nga...
Driver sang Ford Ranger Raptor, nagsulod sa bike lane sa Diversion Road, Taft North, Mandurriao
ILOILO CITY -- Nagdiretso liko sa bike lane ang Ford Ranger Raptor nga may plate number FHS 312 sa stop...
Security guard, nasapwan nga patay sa sulod sang iya gina-arkilahan nga kwarto sa Molo
ILOILO CITY – Yara na sa early state of decomposition ang security guard nga nasapwan nga patay sa sulod sang...
Truck kag SUV, nagbunggu-anay sa San Joaquin
ILOILO -- May mga minor nga kapilasan ang driver sang truck kag sang SUV sang nagbuggu-anay sa Qui-anan, San Joaquin....
Average Rating