Daku nga isda, nasampay sa higad sang baybay sa City Proper!

Iloilo City–Nagsampay sa higad sang baybay sa General Hughes, City Proper ang daku nga isda nga ginatawag nga giant pakol ukon sunfish kahapon.

Buhi pa sang nakita sang mga pumuluyo ang isda nga may daku nga pilas sa tiyan. Ginabanta sa tunga ka tonelada ang kabug-aton kag masobra isa ka dupa ang kalaparon sang isda.

Ginpakadtuan sa mga empleyado sang Bureau of Fisheries and Aquatic Resources (BFAR) ang isda agud nga mabulong kag mabalik sa dagat. (Aine Grace Bravo)