Iloilo Press Club, Ginkondenar ang Tuyo nga Pagsaka sang Grupo sang Kalalakihan sa Estasyunan sang Aksyon Radyo Iloilo

Iloilo City — (UPDATE) Ginakondenar sang Iloilo Press Club ang tuyo nga pagsaka sang grupo sang kalalakihan sa estasyunan sang Aksyon Radyo Iloilo kahapon sang kaagahon.

Suno kay The Daily Guardian Editor-in-chief kag IPC President Francis Allan Angelo, wala na siya sang iban pa nga rason ang grupo sa pagsulong sa Carlos Uy Building kundi ang estasyunan ilabe na nga may history ini nga ginsaka sang SWAT team kag ginhabuyan sang mga bato, higko sang tawo, baog nga itlog kag kasudlan sang isda.

Nagapati si Angelo nga may ginasaligan ang kalalakihan bangud sang wala kahadlok nga pagsulod sa premises sang building nga may dala nga mga pusil.

Indi lang ini suno sa iya concern sang media community kondi sang bilog nga syudad kag probinsya bangud may posibilidad nga matabu man ini sa ordinaryo nga tawo.

Nagakahangawa man si Angelo sa seguridad sang mga yara sa print media sa syudad bangud indi malayo nga mangin target sila sang kalakasan bisan pa nga nagahimo sang insakto sa trabaho. (Nemesio Martirez)