Update: CCTV footage nga nakuha sang Aksyon Radyo sang gintuyo sakaun sang armado nga grupo ang estasyunan, ginapa-enhance sang ICPO!

Iloilo City–Ginapa-enhance pa sang Iloilo City Police Office ang CCTV footage nga nakuha sang Aksyon Radyo Iloilo sang gintuyo nga sakaun sang armado nga grupo ang estasyonan Huwebes sang kaagahon.

Suno kay ICPO Director Kashmir Disomangcop, ipa-enhance nila ang footage agud makuha ang plate numbers sang mga salakyan nga gingamit sang grupo kag matumod ang tag-iya. Mabudlay na suno sa iya nga mag-speculate. Naghatag man ini sang clue nga ang iban sa mga nagtuyo magsaka sa estasyonan ang residente sang siyudad.

Sa Lunes ukon Martes, posible suno kay Disomangcop nga mapasaka na ang kaso kag dire na posible mahingadlan ang mga personalidad nga nakit-an sang footage.

Kun si Disomangcop nagpamalibad maghingalan sa mga tawo nga nakit-an sa CCTV, ang hepe sang intelligence section sang ICPO nga si Sr/Insp. Donnel Regis nag-anunsiyar naman nga ang negosyante nga si Melvin “Boyet” Odicta Sr ang lalaki nga naka-eye glasses kag una nagsulod sa premises sang estasyonan. (Aine Grace Bravo)