Update: Councilor Plaridel Nava, Desidido nga Magpasaka sang Kaso nga Libel sa Misis Marisol Capasao, Balo ni PDEA Agent PO2 Frederick Capasao nga Nag-angut sa iya sa Pagpatay sa iya Bana

By: Nemesio Martirez

Ginapreparar na ni Councilor Plaridel Nava ang kaso nga libel kontra kay Mrs. Marisol  Capasao, balo ni PDEA Agent PO2 Frederick Capasao nga nag-angut sa iya sa pagpatay sa iya bana.

Magadangop sa korte si Councilor Nava agud pamatud-an nga wala sang Nava-Golez Crime Syndicate nga naga egsister sa syudad kag hibaloon man kon sin-o ang naghimo himo sang estorya. Kasunod ini sa pasibangud ni Mrs. Capasao sa Nava-Golez Crime Syndicate nga may kahilabtanan sa pagtiro patay sa iya bana base sa iya ginbasa sa presscon nga email nga ginpahayag ginpadala sang wala nakilala nga sender.

Masubo suno kay Nava nga nagapangita sang hustisya si Mrs. Capasao bangud sa pagpatay sa iya bana sang 2007 apang desidido ang konsehal nga magpasaka sang kaso agud matinlo-an man ang ila pangalan.Una diri, ginpahayag ni Supt Gilbert Gorero, ICPO Information Officer nga ang rebilasyon sang asawa ni PO2 Capasao ang magapabilin nga hearsay ukon kutso-kutso tubtob wala sang suporta nga mga ebidensiya.