Janiuay Mayor Frankie Locsin, ginbuslan sang iya asawa sa kandidatura sa pagka-alkalde para sa 2016 elections

Janiuay, Iloilo–Ginbuslan sang iya asawa si incumbent Mayor Frankie Locsin sang janiuay bilang kandidato sa pagka-alkalde sa masunod nga tuig nga eleksyon.

Nag-withdraw si Locsin kag ginbuslan sang iya asawa nga si Mary Jane. Wala naman ini naghatag sang rason sang iya pag-isol sa eleksyon. Magluwas sa Janiuay, isa pa gid ka kandidato sa pagka-alkalde sa Oton ang nag-withdraw sang Disyembre 10, ang katapusan nga adlaw sang withdrawal kag substitution sang mga kandidato. Ginbuslan ni SB Member Ted Britanico si Roland Cataag sang Nationalist People’s Coalition ukon NPC bilang kandidato sa pagka-alkalde sang banwa.

Una na nabalita nga si anay Congressman Oca Garin na ang opisyal nga kandidato sang Liberal Party para mayor sang Guimbal. Ginbuslan sini si Reynaldo Villanueva nga nag-isol man sang iya kandidatura. (Aine Grace Bravo)