All-out war kontra illegal drugs, gindeklarar ni PRO-6 Director C/Supt. Bernardo Diaz

Nagdeklarar sang all-out war kontra sa illegal nga druga si Police Regional Office (PRO) 6 Director C/Supt. Bernardo Diaz.

Ginmandu ini ni Diaz sa tanan nga city kag provincial directors sa rehiyon 6 kag mga chiefs-of-police sa syudad kag probinsya sang Iloilo. Suno kay Iloilo City Police Office Spokesman Supt. Gilbert Gorero, partikular nga ginmanduan ni Diaz ang tanan nga station commanders sang ICPO nga dakpon ang mga drug personalities sa syudad.

Maathag sa mandu ni Diaz sa mga chiefs-of-police nga alalangay ang implementasyon sang kampanya kontra illegal nga druga.         Magapangatubang naman suno kay Gorero sang administrative relief ang hepe nga wala sang accomplishment sa all-out war kontra sa illegal nga druga. (Aine Grace Bravo)