August 15, 2022

Pagkilala sa iban pa nga kaupod ni Melvin Odicta Sr sa tuyo nga pagsaka sa Aksyon Radyo Iloilo, gintudlo ni ICPO OIC Sr/Supt. Kashmir Disomangcop sa Manduriao police!

Read Time:50 Second

Iloilo City–Gintudlo ni Iloilo City Police Office OIC Sr/Supt. Kashmir Disomangcop sa Mandurriao police ang pamangkot sang media sa identity sang iban pa nga mga personalidad nga nakit-an sa CCTV footage nga upod ni Melvin Odicta Sr sang nagtuyo ini magsaka sa Aksyon Radyo Iloilo.

Suno kay Disomangcop, wala siya nakahibalo kun ano ang ginbasehan ni C/Insp. Kitt Flora, hepe sang Mandurriao PNP, sa pahayag sini nga may duha ka retirado nga police nga naka-upod ni Odicta, ang ginkilala sang PDEA nga leader sang isa sa duha ka major drug groups sa siyudad sang Iloilo. Dapat i-check na lang suno kay Disomangcop ang tuhoy sa identity sang iban pa nga kaupdanan ni Odicta.

Dapat man suno kay disomangcop nga may mag-execute sang affidavit sa pagkilala sang mga personalidad nga kuha sa CCTV footage. Nobyembre 19 sang kaagahon sang gintuyo nga sudlo ni Odicta upod sa ginabanta 20 ka kalalakihan ang estasyunan. Nakilala ini sa CCTV footage sang estasyunan. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Ika-159 nga birth anniversary sang Ilonggo nga baganihan-Graciano Lopez Jaena, ginadumdom sa syudad kag probinsya subong nga adlaw
Next post Lalaki nga gintudlo nagpwersa sa 10 ka tuig nga bata nga babaye nga magsakay sa tricycle sa City Proper, ginapangita na sang mga pulis