Ginatudlo nga nagpatay sa 70-anyos nga lola sa Jaro, ginkasuhan na!

Jaro, Iloilo City—(Update) Ginpasakaan na sang kaso nga frustrated murder kag robbery with homicide ang ginatudlo nga nagpatay sa 70-anyos nga tigulang sa Gran Plains Subdivision sa MV Hechanova, Jaro sang Disyembre 20.

Gin-file ang kaso sang Jaro police batuk kay Mario Marquez bangud sa ginpahayag pagpatay sini kay Ninfa Suello kag paglampos sa napulo niya ka tuig nga apo sang biktima. Si Marquez ang positibo nga gintudlo ni alyas Kikay nga amo ang naglampos sa iya. Ginsegundahan ini nga akusasyon sang manghod ni Kikay nga si alyas Iza nga ihada sang suspek.

Padayon nga ginabulong sa ospital si Kikay samtang nagapabilin nga preso sa karsel sang Jaro PNP si Marquez. (Aine Grace Bravo)