Soldado, gin-alegar nasal-an nga nagapanilag sa illegal drug activities sa South San Jose, Molo rason nga gintiro!

Iloilo City–Natiruhan sa tiyan ang miembro sang Philippine Army sa South San Jose, Molo matapos ginpahayag nasal-an nga nagapanilag sa illegal drug activities sa barangay.

Ginabulong sa ospital si Private First Class Mark Hevero nga na-assign sa Tapaz, Capiz. Tumandok ini sang San Juan, Molo pero nakapangasawa sang taga-South San Jose. Nagpauli kahapon sa barangay si Hevero para sa bunyag sang iya anak kag pagkagab-i, nagpadulong ini sa balay sang iya classmate sa amo man nga lugar.

Pero sang nagpauli na, gintiro ini sang ginpahayag tawo ni alyas Apa. Si Apa ang ginatudlo sang Philippine Drug Enforcement Agency (PDEA) 6 nga drug personality sa South San Jose. Antes nabatian ang lupok, nabatian pa nga ginpamangkot sang suspetsado si Hevero kun pulis ini ukon army. May description naman sang suspetsado ang kapulisan. (Aine Grace Bravo)