2 ka tuig nga bata, gintuyo nga tutdan sang hubog nga amay!

Iloilo — Ginbubu-an sang gasolina ang duha ka tuig nga bata kag gintuyo nga tutdan sang kaugalingon nga amay sa Barangay Dongsol, Pototan.

Suno kay Senior Inspector Ariel Corsino, hepe sang Pototan PNP, natabu ang insidente kasunod sang indi pag-intiendihanay sang mag-asawa.

Ginpahayag nga naakig ang hubog nga amay kag ginpa-ukpan ang duha ka tuig sini nga bata apang maswerte nga naluwas sang iya asawa.

Magluwas sa pagpahubog, ginapatihan nga nagagamit man sang illegal nga druga ang bana.

Desidido naman ang asawa nga pasakaan sang kaso ang iya bana nga preso na sa karsel sang Pototan Police Station. (JoMaque)