Number 1 most wanted person sa Western Visayas, nadakpan sa Banate!

Iloilo–Nadakpan sang Iloilo Police Provincial Office ang number 1 most wanted person sa rehiyon paagi sa Operation Lambat Sibat sang nagkalain-lain nga police units sang IPPO Intelligence Branch Tracker Team, IPPO SWAT, New Lucena PNP kag Banate PNP.

Wala na nakapalag si Jessie Senobin, 35-anyos sang Guinobatan, New Lucena. Nadakpan ini kahapon sang aga sa Bobon, Banate kag nakuhaan pa sang isa ka homemade 12-gauge shotgun nga may magazine kag live ammo.

Nagapangatubang si Senobin sang kaso nga robbery with homicide sa paghold-up sini sa indian national kag pagpatay kay PO1 Elizer Pingoy nga nagresponder sa insidente. Nakadetail si PO1 Pingoy sa Comelec Provincial Office sa Lapaz sang natabu ang robbery. (Aine Grace Bravo)