PRO-6, nagpasalamat sa paghugpong sang nagkalain-lain nga sektor sa malinong nga pagsug-alaw sang new year

Ginpasalamatan ni Police Regional Office 6 Director P/CSupt. Bernardo Diaz ang tanan nga sektor sa malinong nga pagsug-alaw sang bag-ong tuig.

Suno kay PRO-6 Public Information Officer Supt. Gilbert Gorero, generally peaceful sa pangkabug-usan ang pag-abot sang 2016 sa rehiyon bangud wala sang dalagku nga insidente nga narecord pareho sang dalagku nga sunog kag wala man sang napatay bangud sang nagtalang nga bala. Ginakabig naman nga isolated cases sang PRO 6 ang pagpangluthang sa janiuay kag jaro sa diin lunsay patay ang mga biktima.

Nagnubo man ang firecracker-related injuries subong nga tuig nga naglab-ut lang sa 55, 35 dire ang menor de edad ikumparar sa 127 ka kaso sang nagligad nga tuig. Sa 55 ka kaso subong nga tuig, pinakamadamo nga narecord sa Capiz nga 25, ginsundan sang Iloilo province, Iloilo City, Aklan, Antique kag Guimaras. (Aine Grace Bravo)