Hepe sang Mandurriao PNP Chief Inspector Kitt Flora, ginapa-verify pa sa Intelligence Unit sang ICPO ang pangalan sang lima pa ka tawo nga kaupod ni PDEA-identified top drug personality Melvin Odicta Sr. sang nagtuyo nga magsaka sa estasyunan sang Aksyon Radyo Iloilo sang nagligad nga tuig!

Iloilo City — Indi pa mahingadlan sang Mandurriao PNP ang pangalan sang 5 ka mga tawo nga kaopod ni PDEA-identified top drug personality Melvin Odicta Sr nga nagtuyo magsaka sa estasyonan sang Aksyon Radyo Iloilo sang Nobyembre 19 sang kaagahon sang nagligad nga tuig.

Gin-athag ni Chief Inspector Kitt Flora, hepe sang Mandurriao PNP nga iya pa ginapa-verify ang mga pangalan sa S2 Intelligence Unit sang ICPO bangud indi taga-Mandurriao kag kon may witness nga maga-identify, pasakaan sila sang kaso sa korte.

Indi man mabuyagyag ni Flora ang mga armas ni Odicta bangud nga tuman ka confidential.

Mahingadlan lang ang mga armas suno sa iya kon may kaso nga i-file sa korte. (JoMaque)