Preso nga ginapatihan may diperensya sa paminsaron, ginpahayag naghikog sa sulod sang karsel sang Lambunao Police Station

Lambunao, Iloilo — Nasapwan nga nagabitay sa sulod sang karsel ang preso sang Lambunao Police Station matapos ginpatihan naghikog.

Ginkilala ni SPO1 Edward Lesondra sang Lambunao PNP ang inmate nga si Arlan Lopez sang Barangay Maribong nga may kaso nga grave threats.

Nagbitay si Lopez sa railing sang exhaust fan sang selda gamit ang higot nga halin sa ginpang-gisi  nga t-shirt.

Ginapatihan nga may diperensya sa paminsaron ang preso kag makatatlo na ka beses nga ginpabulong sa Western Visayas Medical Center si Lopez bangud wala nagakaon kag nagatulog.

Apang sang naumpawan, nagdali ini nga aguwa sa presuhan apang wala ginpasugtan bangud wala sini natapos ang psychiatric session.

Si Lopez ang ginpapreso sang kaugalingon nga iloy bangud sa pagsakit kag pagpahog sini nga patyon. (JoMaque)