Tarpaulin nga may nasulat nga adulterer si Councilor Plaridel Nava, gintapik sa Plaza Libertad; amay sang konsehal, nagtakud man sang tarpaulin nga may nawong ni Mayor Jed Patrick Mabilog sa iya salakyan!

Iloilo City–Nagwangal si Councilor Plaridel Nava matapos nabal-an nga may ginpatapik nga tarpaulin tuhoy sa iya sa Plaza Libertad sa atubang sang City Hall kahapon sang aga.

Nakalab-ut sa konsehal ang impormasyon apang nadula na ang tarpaulin pag-abot sini sa City Hall. Wala naman sang makasugid kon sin-o ang nagtakud kag nagkakas sang tarpaulin nga nagatumod sa konsehal nga adulterer.

‘Balos’

Madasig nga nagbutang sang tarpaulin si Punong Barangay Sumakwel Nava sang Libertad, Lapuz sa diin nabutang ang nawong ni Mayor Jed Patrick Mabilog nga nagabitbit sang hotdog kag may nakasulat nga “I like hotdog.”

Suno sa punong barangay, balos niya ini sa ginpatapik nga tarp kag mga pagpakamalaut batuk sa iya anak. Nagapati si Kap Nava nga may ihibalo ang alkalde kon sin-o ang nagpatapik sang tarpaulin batuk sa konsehal. (Aine Grace Bravo)