2016 Jaro Agro-Industrial and Charity Fair, ginbuksan na!

Iloilo City — Ginbuksan na ang 2016 Jaro Agro-Industrial and Charity Fair sa sulod sang Jaro Plaza kahapon.

Nag-upod sa maduagon nga parada ang mga opisyal sa syudad sa pagpanguna ni Mayor Jed Patrick Mabilog kag nagkalain-lain nga sektor.

Makita sa sulod sang Jaro plaza ang mga produkto halin sa mga rehiyon sa pungsod.

Nangin matawhay naman ang kahiwatan kahapon kag wala sang dalagku nga mga insidente nga narecord magluwas lang sa pagugok sang trapiko.

Ang Jaro Agro Fair magatapos sa Pebrero 2 kadungan sang kafiestahan sa Jaro.

Tema sang subong nga tuig nga Jaro Agro Fair ang “People Empowerment through Solid Cultural and Religious Enhancement.” (JoMaque)