Isa ka semana nga selebrasyon sang Dinagyang Festival, nangin matawhay suno sa police

Iloilo City–Wala sang dalagko nga mga insidente nga na-monitor ang Iloilo City Police Office sa isa ka semana nga selebrasyon sang Dinagyang Festival.

Suno kay ICPO Spokesperson Inspector Shella Mae Sangrines, kalabanan sa mga nabaton nila nga reports amo ang pickpockets, snatching, theft, robbery kag physical injuries. Kalabanan sa mga nabiktima suno sa iya ang mga lokal nga residente nga nagatambong sa mga aktibidad nga may gutok nga venue.

May mga naaresto man nga snatchers ang ICPO sa diin natukiban nga pila sa mga ini ang pangayaw.

Ginpahayag ni sangrines nga iga-review sang ICPO ang crime trend sa Dinagyang Festival agud mahibaluan kon ano ang puwede ma-adjust sa security measures agud malab-ot ang zero incidents sa masunod nga Dinagyang Festival. (Aine Grace Bravo)