City Prosecutor’s Office, ginrekomendar sa korte ang pagpasaka sang kaso sa developer sang G.I.F.T bangud sa paglapas sa National Building Code

Iloilo City — Ginrekomendar sang City prosecutor’s Office sa korte ang pagpasaka sang kaso bangud sa paglapas sang National Building Code sa mga respondents sa ginpasaka nga kaso sang Integrated Bar of the Philippines-Guimaras may kaangtanan sa Guimaras-Iloilo Ferry Terminal (GIFT).

Ginakabig ni Guimaras Vice Governor Vincent De Asis nga kadalag-an para sa mga guimarasnon ang resolution nga ginpaguwa sang fiskalya sang damlag lang.

Wala nakasumiter sang counter-affidavit ang mga respondents gani nga ginrekomendar sang City Prosecutors Office nga pasakaan sang kaso ang mga respondents.

Ang GIFT, joint venture sang city government kag Double Dragon Properties Corporation nga ginapanag-iyahan ni billionaire Edgar Sia.

Isa sa ginapamatukan sang mga guimarasnon ang ginduso nga P11 nga terminal fee sa kada gamit sang GIFT. (JoMaque)