PDEA Identified Top Drug Personality Melvin Odicta, Wala sang Derogatory Record kabangdanan gin-isyuhan sang Lisensya ang iya Pusil

Iloilo City — (UPDATE) Wala sang derogatory record ukon wala sang kaso sa Regional Trial Court si PDEA identified top drug personality Melvin Odicta alyas Boyet kabangdanan nga gin-isyuhan sang lisensya ang iya mga pusil.

Ginpahayag ini ni Superintendent Ledon Monte, anay hepe sang Firearms and Explosives Unit (FEU) sang Police Regional Office 6.

Gin-ako ni Monte nga iya ginpasa ang mga papeles sa firearms explosives office sa Camp Crame bangud nag-issue sang clearance ang RTC.

May kaso nga less serious physical injuries si Odicta sa Municipal Trial Court apang na-dismiss sang 1989.

Ginbuyagyag sa senate inquiry sang Committee on Public Order and Dangerous Drugs nga ginpangunahan ni Senator Grace Poe nga gin-isyuhan sang lisensya ang 9 ka mga pusil ni Odicta bisan pa nga ini siya ang convicted sa kaso nga paghupot kag pagbaligya sang illegal nga druga. (Nemesio Martirez)